جاوید
7 ستمبر 2019
2:14AM کراچی
What's on your mind?...
گوات ترند ترندءَ کشگءَ ات پمشکہ باکس روک بوئگ ءُ مرگءَ ات....
دوئیں دستاں گوں ہر وڑ نہوان کنگ بوت بلے چمانی کوسانی نہ ڈُکگءَ پیسر ڈیل مُرت....
چار اِت داں دوئیں نشتگیں مہروان کندگءَ آں.... "ناں یار گوات ترند انت..."
"چوش نہ انت کہ ڈیل گوں من روک کنگ نہ بیت"...
تیاب دپءَ روبرکتءَ پد گوات اگاں مہ کش اِیت گڑا برپ گواری وَ نہ بیت، ..."ہاہاہاہا"...
پہ کُدرتی سگریٹءِ تہنا جہلءِ لونس روک بوت
....
....
گوں بلائیں دمےءَ روکیں پُرءِ ٹکرے چو دپءِ لیتاراں کپت ءُ تہاریں سمنٹءِ سرءَ پرائیں آزمانءِ دامنءِ استالانی وڑءَ شنگ بوہان بوت...
مہرواناں وتءَ بے سما کُت.
تیابءِ چول ژم ژمءَ دگّءِ کشءَ جوڑ بوتگیں پدانکاں انچو وتی سرءَ گوں زورءَ جَنَگءَ اِتاں گُش ئے کہ اے پرائیں دگءِ جوڑ بوئگءَ چہ گُٹ گیر ءُ دم توس انت ءُ وتی زھرءَ کَشّگءَ آں... کُکار کنگءُ وتءَ پُشتءَ بَر اَنت ءُ سِستگیں گُرانڈءِ وڑءَ دَگءِ کشءَ ایر ایں سِنگءُ جوڑ بوتگیں پدانکاں ڈُکّر ورگءَ انت...
پدا زرءِ ارس سرءِ بُرزءَ رو اَنت ءُ بَشی شنزانی وڑءَ گوار اَنت ءُ بس کن اَنت....
روکیں پُر نزور تَر اَنت ءُ پراہ روان کن اَنت...
سماہ بیت کہ بُرزیں ماڑیءِ دریگءَ چہ بے وسیں ءُ زور سور داتگیں جَنِکیءِ وڑءَ شہرے دراہ بیت...
شہرے ترپوکیں رژنائی ہرنیمءَ شنگ انت...بلے دروگیں ءُ زور پیش داشتگیں بچکنداں، چہ رُژنائیءَ ھورک ترپوکیں چم، ءُ لیبوکیں دل، درک درک کن انت بلے ھونءَ آکسیجن دات نہ کن انت،
پُر مِر انت
....
....
دو لَنکُکءِ شما یک کائناتے مپتءَ سچان کنت... بَرورد کمیں دُوت کہ دوتانی جنگلءِ تہہءَ پہ وتءَ ٹَپینگءَ ءُ چیر دئیگءَ گِر ءُچیل راہے شوہاز کنان چہ وتءَ گار بنت ءُ بس ھوشکیں لُنٹانی سرءَ وتی پادانی پداں پَشت گیجاں.... ءُ کمیں پُر.... کہ یک دپی بلائیں ٹاک دئیوکیں کندگیءَ گوں پرش اَنت ءُ چُور چورءَ بنت.... دگہ ھچ....
دوئیں مہرواناں یکے کاگدے لکگ بنا کنت ھمے شہرءِ نامءَ ءُ دومی تیابءِ نامءَ.....
ہردوئیں بے ڈس... بے نشان ءُ بے سما…
"کندگ واب بہ گیج انت ءُ ھاموشی بہ سِرّینیت.... گڑا دُوت بے معنا نہ بنت، گڑا چے بنت؟."
"... مچھر کُش انت، ہاہاہا...."
"ارساں پہک کن کاگد تر بیت....ہاہاہا"
"اڑے سنبھال روکیں پُر دامنءَ مہ سوچ انت... بلے تئی دپ بوہءَ انت ءُ اے بوہ چہ اندرءَ پیداک اِنت، پُچاں وَ چیر دئے بلے وتءَ چون؟..."
"وتءَ اوں پُچے کناں ءُ بیگءَ ایر کناں پدا بیگءِ زپءَ قُبلے جناں ءُ چابیاں ادا بُرزیں ماڑیءَ چہ دور شانک دَیاں بِلّے ھمے روکیں رُژنائیانی تہہءَ گار بنت یا ءُ ھمے ماراں کہ اے رژنائی سگریٹءِ روکیں پُراں ءُ چابی ، چابی یک پتّیے کہ بِلّے سُچیت گوں...."
گوں ماتی لنکُکءِ سُٹُکءَ گوں سگریٹءَ وتی کوپگ چنڈ اِت.... "تئی قوم چی انت؟"
"مہروان تو وتی کاگدءَ بہ دِر ءُ زرءَ دَؤر بہ دئے یا لجءَ بہ مر...."
"ترنزُکے آپ ھم نو نئیت کہ ترا بہ بُڑینیت..."
ہاہاہا..
"....منءَ بل وتی کاگدءَ یک ماڑییءِ بکن وت چہ ھمائیءَ دؤر بکن .... "
"پہ ترا چی پشت کپت، تؤ وَ دُوتے ھم نہ بوت ئے کہ ترا گواتءِ میار بہ کُتیں...."
"زِپءَ پچ کن تئی پُچانی روکیں برانز ءَ دُوت پیداک انت...."
"چابی؟ چابی وَ زرءَ بُڑ اِت انت....."
"زرءِ بدنیتیءَ بچار بلائیں لانچاں سَربُرءَ ترپل کنت ءُ کسانُکیں چاپی پِلکتئے....."
"ماڑیءَ سرکپ بیگءَ اوں جھلءَ مان بُر اے سرجمیں کوٹیءَ سوچ ایت...."
"اے درتگیں بیگءِ تہہءَ دگہ چی مان ... یک سگریٹی پُکّیءِ بازیں دُوتاں زرد زرد کُتگ... "
"اشیءَ ھمدا ایر کن تیابءِ چول اشیءَ وت جھگہ دئینت...."
"تیاب زندگیناں جھگہ دَنت مُردگاں اناں، روچ برکتیءَ پد گوات ترند کشیت ءُ اشییءَ ھم بال دنت"
"وشتر انت.... ماڑییءِ دریگءَ چہ ندارہ کن باریں داں کجا رؤت......"
No comments:
Post a Comment