جیوز، جہاں سوال کو عزت حاصل ہے

Javed Baloch

روایات، احترام اور اخلاقیات کے اقتدار کی تشریح دنیا پتہ نہیں کیسے کرتی ہے مگر ہمارے ہاں سوال ایک بدتمیزی، بد اخلاقی اور کفر کی علامت ہے

سوال پیدا ہونا یا سوچھنا اول تو ایک کٹھن اور انتہاٸی مشکل کام ہے اگر شازو ناظر سوال ذہن میں پیدا ہو بھی جاٸے تو وہ سوال زبان تک آتے آتے اس قدر بیماریوں میں مبتلا ہوکر ناتواں ہوجاتا ہے کہ اپنی اصل ساخت کھو دیتا ہے اور خود کو خود پہچانے سے بھی قاصر ہوجاتا ہے

سوال سوچھنے والے ذہن ہمیشہ سے ہر عہد اور زمانے میں ناقابل برداشت تھے، اور ہیں،

ایتھنز یونان کی قبل از تاریخ کی مجالس اور سرکلز سے لیکر شال(کوٸٹہ) کی مارشلاٸی فضاٶں میں لٹ خانے کی وجود تک کہیں ادارے بنتے گٸے، مجالس ہوتے گٸے اور یہ سلسلہ جاری ہے مگر تاریخ اپنا انصاف خود کرتی ہے اور اوراق کی پیشمانی پر  صرف وہی محفوظ رہتی ہیں جو سوال کو احترام دیتے ہیں

ہم جس دور میں آج رہ رہے ہیں یہاں ایک نوجوان اپنی شہرت معاشرے میں خوف کی علامت یا ناجاٸز دولت کے مالک کسی شخصیت کے ساتھ  کھڑے ہوکر سیلفی لینے کو سمجھتی ہے، جہاں ادیب خود کو باقی لوگوں سے الگ سمجھ کر ایک برینڈ بنا ہوا ہے اور فالورز بنانے اور بڑھانے پر خوش ہے

جہاں مذہب ایک مخصوص طبقے کی ذاتی جاگیر ہے جس پر بات کرنے کا اختیار کسی کو نہیں، اگر کرے تو قتل کی اجازت سب کو ہے،

جہاں ادارے شخصیات کے ذاتی ہیں اور شخصیات الہامی بن چکے ہیں جنھیں مرنا ہے پر ہٹنا نہیں

جہاں ایک لڑکی کی گھر سے باہر سڑکوں، گلیوں اور سوشل میڈیا پر لاتعداد خود ساختہ بھاٸی، باپ ہیں جن سے پوچھ کے بغیر ان کی تصاویر اور ویڈیوز ناقابل برداشت ہیں

ایسے میں سوال کا سوال ہی نہیں پیدا ہوتا اگر گنجاٸش ہے تو ”جی سر“ کی، ایک عہدے کی (کہیں بھی ہو، کسی طرح کا بھی)، چند مشہور شخصیات کی تاکہ اگر کوٸی دوست فون کرے تو دھیمی آواز میں بولا جاسکے کہ اس وقت میں فلاں صاحب، میر، شیر یا فرزند کے ساتھ بیھٹا ہوں بعد میں کال کرنا،

یا ایک گاڑی کی جس کے سوٸچ بورڈ پر ایک عدد جھنڈا ہو تاکہ کسی بھی چوکی پر محب وطنی کی علامت بن کر لاٸن پر کھڑا ہونے کی بجاٸے ژپ،ژپ گزرا جاٸے

یا پھر سوشل میڈیا کے آٸی ڈیز پر چے گویرا کی تصویر، بس، اس سے زیادہ کیا ہو؟

این جی اوز کی نظام نے ہم جیسے بھوکے معاشرے میں جہاں فوٹو سیشن کو حاصل کل بنایا ہے، یہاں سوال ناجاٸز ہے کیونکہ سوال اپنے ساتھ کٸی اور سوالات جنم دیتا ہے، تصاویر میں قید شدہ وقت حالات اور واقعات کو دوسری رخ سے بھی دیکھنے کی گستاخی ہوسکتی ہے، کیونکہ سوال ایک سوال ہوتا ہے 

شہر خاموشاں جہاں غریب کم اور ٹرسٹ زیادہ ہیں جہاں طالبعلم کم اور انکی تنظیمیں زیادہ ہیں جہاں انسان کم اور ان کے پہرے دار زیادہ ہیں

جہاں سال کے بارہ مہینے روزگار کی آسراتی ایک نیلگوں سمندر ماتا کی صورت دستیاب ہو اور پھر بھی بھوک گلی کوچوں میں دن دھناتے رقص کرتی ہو

جہاں کی لوکل بنوانا اولین خواہش ہو مگر شناخت سُستی، بزدلی اور بدنامی کی سبب....

جیوز ماہانہ ادبی مجلس

اس شہر میں بھی لٹ خانہ زندہ ہے، سقراطی دور کے یونانی روایات زندہ ہیں، جہاں سوال سوچھنا اور پھر کرنے کا  ہنر سیکھایا جاتا ہے، جہاں سکھایا جاتا ہے کہ سوال کافر، گستاخ اور سوٸیٹ سیلفی زدہ نہیں ہوتے بلکیں سوال، سوال ہوتے ہیں

 بقول ڈاکٹر بیرم خان غوری صاحب کے کہ ”بیٹا سوال کو جواب چاہیے ہوتا ہے، درست یا غلط اضافی ڈیمانڈز ہیں“

اس چھوٹے سے شعوری اور سوالات کی صنعت کو ”جیوز“ کہتے ہیں جہاں ہر ماہ کی پہلی تاریخ کو ادبی نشست کے علاوہ ہر شام کو انسانی لاٸبریری کی صورت میں مجلس لگتی ہے، کتب خانے کے اندر یا کبھی صحن میں کوٸی نا کوٸی موضوع زہر بحث ہوتی ہے، جہاں ”جی“ کے ساتھ ”نہیں“ کو بھی آزادی حاصل ہے

گوادر پورٹ سے چند قدم کے فاصلے پر اس انسانی ذہن ساز ادارے میں گفتگو انسانی زندگی کی علامت ہے خاموش اور الفاظ سے خالی انسانوں کے سیکھنے کیلیے علم کا خزانہ ہے،

جہاں کوہ باتیل پر کھڑا شاہی پی سی ہوٹل کے نظارے بھی نظر آتے ہیں اور  ماٸیگیروں کی کپڑوں سے  سمندر کے پانی اور پسینے کی بوہ بھی آتی ہے

جیوز لاٸبریری

اگر میں جیوز کے متعلق اپنے محدود مشاہدات بتاٶں تو جیوز صرف سوال سوچھنے کا ہنر ہی نہیں سکھاتا بلکیں اسے پوچھنے کیلیے ماحول اور ماہر بھی دستیاب کراتا ہے،

جہاں شاعر صرف شعر نہیں کہتا، جہاں نثر صرف پڑھا نہیں جاتا، جہاں صرف تالیاں نہیں بجھتیں بلکیں سب سے بڑھ کر سوال کو عزت دی جاتی ہے

بی بی سی کی ایک اسٹوری میں بتایا گیا تھا کہ ہندوستان میں انسانی لاٸبریری کی شہرت فروغ پارہا ہے، شاید یہ اسٹوری بی بی سی کیلیے نیوز ویلیوز پر پورا اتر رہی ہوگی جسے کور کرنا ضروری سمجھا گیا مگر اسی طرح کی ایک انسانی لاٸبریری اس عالمی شہرت یافتہ مگر بدقسمت انسانی وساٸل سے غریب شہر میں ایک دہاٸی سے جاری ہے، جہاں وقت گزرنے کا احساس اگر بجلی ناجاٸے تو شاید رات گٸے تک نہ ہو،

ہمارے ہاں روایت بن چکی ہے جب کسی مذہبی تہوار کا دن آتا ہے تو اپنے وفات شدگان کیلیے فاتحہ کی جاتی ہے اور مشہور ہے کہ اس دن انکی روحیں اپنے لوگوں کی دیدار کیلیے آ جاتی ہیں، تو اہل دانش، قلم کے سپاہی اور سوال سے بھرے ذہنیت کے مالک ہستیوں کو جیوز میں روز یاد کیا جاتا ہے اور اس میراث (سوال سوچھنے اور سوال کو اہمیت دینے کے عمل) کو نسل در نسل منتقل کرنے کا کام کیا جاتا ہے،

دنیا کے کسی بھی کونے میں کوٸی بھی ادارہ، گروہ یا شخص جو سوال اٹھاتا ہے، پوچھتا ہے اور اس عمل کو زندہ رکھتا ہے وہ یقینا تاریخ میں یاد رکھا جاٸے گا، کیونکہ سوال ایک ہمت، جدوجھد اور مہم کا نام ہے جس سے شعور کے دروازے کھلتے ہیں

بلوچی دوچ اور بلوچ خواتین کی معاشی خودمختاری

مکمل پڑھنے کیلیے کلک کریں

بلوچ پنجابیوں سے کتنی نفرت کرتے ہیں؟

پڑھنے کیلیے لنک پر کلک کریں

بلوچستان بمقابلہ بلوچستان

By, Javed Baloch

اسلام آباد کی خوشگوار موسم میں سیاسی گرما گرمی اپنی آخری مراحل میں ہے سینیٹ کا میدان ہے اور تمام سیاسی جماعتوں کے لوگ اپنی دھڑکنیں سنبھالے بے صبری کے ساتھ انتظار میں ہیں کہ کانٹے دار مقابلے کی سماں ہے، ایک طرف جمہوریت اور دوسری طرف آمریت کے پیداوار ہونگیں، ایک طرف حکومت، اداروں کی پشت پناہی میں بھرپور کوشش کررہی ہوگی کہ چیٸرمین سنیٹ کو بچایا جاٸے تو دوسری طرف جمہوری قوتیں اپوزیشن میں رہ کر جمہوریت کی بقإ اور پارلیمنٹ کو وقار دینے کیلیے کوشش میں لگے رہے ہونگے، بہرحال ایک ناقابل بیان اور انتہاٸی نازک صورت حال ہوگی، لمحہ بہ لمحہ بریکنگ نیوز گرج دار ٹیون کے ساتھ بلند آواز میں چل رہی ہونگی  تبصروں، تجزیوں اور الزامات کی ذاٸقوں سے بھرے خصوصی نشریات جاری و ساری ہونگیں۔

اچانک نیند ٹھوٹ جاتی ہے جب کوٸی پیچھے بیٹھے ہوٸے شخص ہنستے ہوٸے کہہ دے ” ان بلوچیوں نو ویکھو، انا ویلہ سوچھنڑ والا اپاں کوٸی نہیں، کدی وی نہیں ویکھیا“

بلوچستان کے سیاستدان ان دنوں چیرمین سینیٹ کی کرسی کو لیکر کچھ اس قدر سنجیدہ ہیں کہ کبھی کوٸی موجودہ چیٸرمین کی مسکراہٹ کی پبلسٹی کرتا ہے تو کہیں ریلیاں نکل رہی ہیں، کہیں جمہوریت کی بقإ اور پارلیمنٹ کی بالادستی جیسے بھاری ٹرمز کا استعمال کیا جارہا ہے تو کوٸی موصلادار بیانات دے رہا ہے، لیکن بدقسمتی کی بات یہ ہے کہ اس فاٸنل میچ کی سلیکشن سے لیکر جہگہ، وقت، طریقہ کار اور قواٸد ظوابط سب کا تعلق دونوں کھلاڑیوں میں سے کسی سے بھی نہیں

ہوا یہ تھا کہ بلوچستان پر احسان کر کے حکومت اور اپوزیشن نے ملکر بلوچستان سے جناب صادق سنجرانی صاحب کو چیٸرمین سینیٹ بنایا تھا، جسے ملکی میڈیا اور دانشور طبقے نے بہترین عمل سمجھ کر خوب تعریف کی اور اس کو بلوچستان کی احساس محروی کے خاتمے کی طرف ایک قدم کرار دیا مگر بلوچستان سے ہی ایک گروپ جس میں خصوصا بالخصوص حاصل خان بزنجو صاحب نے اس عمل کو شرم ناک کہہ دیا اور اسے جمہوریت کیلیے سیاہ دن کا لقب دیا،

وقت گزرتا گیا کہ اچانک بلوچستان پر یہ احسان کرنے والوں کو یہ احساس ہوگیا کہ ان سے غلط سلیکشن ہوٸی ہے آٶ پھر سے نٸیا گیم شروع کرتے ہیں، بلوچستان پر احسان تو کرینگے مگر چیٸرمین بدلینگے اور جس طریقے سے ان کو سلیکٹ کرکے احسان پورے صوبے پر کی گٸی تھی ویسے ہی دوبارہ کیا جاٸےگا

اب سوال یہ ہے کہ جس مسٸلے کو گوادر سے کوٸٹہ تک جتنا سنجیدہ سمجھا جارہا ہے کیا وہ کراچی سے اسلام آباد کیلیے بھی اُتنا ہی سنجیدہ ہے؟

یقین مانیٸے بالکل بھی ایسا نہیں لگتا، ملک میں کوٹ کچہریوں کے مساٸل، وکلاہ اور تاجروں کے مساٸل یہاں تک کے ڈالر کا مسٸلہ اس صورت حال سے زیادہ سنگین اور بڑے مسٸلے ہیں، سینیٹ کا چیٸرمین کونسا بلوچی ہو اس سے انھیں کیا فرق پڑے گا؟

بلوچستان کا ایک عام شخص اس بارے میں کیا راٸے رکھتا؟ اگر گراٶنڈ کی حقیقت کو دیکھا جاٸے تو عام بلوچستانی کو جس طرح پہلے اس معاملے پر کوٸی دلچسپی نہیں تھا اب بھی بالکل نہیں ہے بلکیں اکثریت نوجوان جو نا تو صادق سنجرانی صاحب کے حق میں ہیں اور نہ ہی حاصل خان بزنجو صاحب کے خلاف وہ بزنجو صاحب کی اس پرانی ٹوٸییٹ پر سو فیصد اتفاق کرتے ہیں جس میں انھوں نے لکھا تھا کہ بلوچستان سے چیٸرمین سینیٹ سلیکٹ کرنے اور بلوچستان پر احسان کرنے سے بہتر ہے کہ بلوچستان کو بنیادی سہولیات، کشادہ سڑکیں، پینے کا پانی وغیرہ فراہم کیا جاٸے،

اور جس طرح مدت پوری کرنے سے پہلے حکومت گرانے کی روایت کو اب ختم ہونے کی بات ہورہی ہے اسی طرح ہر ادارے پر یہیی فارمولا اپلاٸی کرنے کی ضرورت ہے تاکہ عوام کو فیصلہ کرنے کا وقت ملے، اور بجاٸے اور احسانات کے جو بلوچستان میں نیشنل پارٹی کو ڈھاٸی سال کی حکومت کی صورت میں ملی اور اب کی دور میں انکے پاس ایک بھی صوباٸی نشست نہیں، سینیٹ کی چیٸرمین شپ کے بعد بھی تو یہی ہونا ہے

کب تک بلوچستان اور بلوچستان کی جماعتیں وفاقی جماعتوں کے احسانات سر پر اٹھاٸے مجبور پھرتے رہینگے؟ اور پھر کیا گرنٹی ہے کہ جو لوگ لاٸینگے ان کے اپنے شراٸط ہونگے اور اگر وہ شراٸط بھی پورے نہ ہوٸے تو پھر کوٸی اور؟

آج حاصل بزنجو صاحب کہتے ہیں کہ حکومت کے پاس اکثریت ہی نہیں تو وہ کیسے سینیٹ کے چیٸرمین کو بچا سکتے ہیں، بالکل آپ کی بات درست ہے لیکن کیا آپ کو نہیں یاد کہ اپوزیشن کی بڑی جماعت بلکیں یہ سارا کا سارا کام ہی اسی اپوزیشن جماعت کی تھی، کیا بھروسہ کل اپوزیشن جماعتوں میں سے کسی ایک کے سربراہ کے خلاف کیس ختم ہوں یا ختم کراٸے جاٸیں پھر ایک نیا اسکرپٹ نہیں بنے گا؟

خیر سیاست بچوں کا کھیل نہیں، ایک عام بلوچ نوجوان جیسے تیسے احسانات کو کان بند کرکے برداشت کرے گا مگر واٸس آف امریکہ کی پول کچھ یوں کہہ رہی ہے

سمندر جاٸیں تو مچھلیوں کو خطرہ، نہ جاٸیں تو زندگی کو

مکمل پڑھنے کیلیے لنک پر کلک کریں

two months ban of fishing

For details click on the link

گوادر جیل بھرو تحریک

Javed Baloch

جموریت کی حسن  ہے کہ اس نظام میں عام عوام کا تعلق انکے نماٸندوں سے جڑا رہتا ہے اگر ایم پی اے یا ایم این اے کے پاس ان کے لیے وقت نہ بھی ہو تو وہ کم از کم اپنے ضلعی سطح پر امیدواروں کے در پر تو جاسکتے ہیں، عام عوام اپنی پریشانیاں، دکھ اور تکالیف انھیں سنا سکتے ہیں

مگر جس معاشرے میں عوامی نماٸندوں کی حیثیت محض سرکاری ایام کیلے لوگ جمع کرانا ہو اور انھیں ریلی کی شکل میں سڑکوں پر گزارکے یہ ثابت کرانا ہو کہ کس نے زیادہ بندے لاٸے تھے، وہاں ایک معمولی لاٸن مین انکی فون نہ اٹھاٸے تو کونسی بڑی بات؟

سی پیک شہر گوادر ہر اعتبار سے ملکی اور بین الاقوامی میڈیا کیلیے اہمیت کا عامل ہے اس کو کبھی سنگاپور تو کبھی ہانگ کانگ اور کبھی دبٸی بنانے کی خبریں اب بھی اخبارات کی لیڈ اور سُپر لیڈ کی احیثیت سے چھپ رہی ہیں مگر یہاں کے امیدوار، نماٸندے، عوام اور عوام کا وٶٹ کس قدر سستا اور فضول ہے اس بات کا اندازہ اس سے لگا لیجٸے کہ یہاں آل پارٹیز کی بے بسی ہر چند ہفتوں بعد کسی نہ کسی دھرنہ، عوامی اجتماع یا کریمک کے ہوٹل میں چاٸے پیتے بے بس کلمات اور گفتگو میں جھلکتی نظر آتی ہے
انکا ہمیشہ سے یہی گلہ اور رونا جاری ہے کہ ناں انھیں ترقیاتی کاموں اور پروجکٹس  سے متعلق اعتماد میں لیا جاتا ہے اور نا ہی انھیں بحیثیت عوامی نماٸندگان معلومات دی جاتی ہے کہ اس بدقسمت سرزمین کے ساتھ کیا کیا جارہا ہے الٹا آٸے دن کے وی آٸی پیز اور باہر سے آٸی ہوٸی وفود نے انھیں ذہنی اذیت کا شکار اور نفسیاتی مریض بنایا ہے


ویسے تو سال کے بارہ مہینوں مگر بالخصوص گرمیوں میں ہمسایہ ملک ایران سے آنے والی بجلی کو دیکھنے کیلیے یہ سی پیک کا شہر ترستا ہے، غیر اعلانیہ لوڈشیڈنگ نے مقامی دکاندار و ماٸیگیروں کو اس قدر کرب میں مبتلا کیا ہے کہ اب وہ احتجاجی دھرنوں سے تنگ آکر خود گرفتاریاں دےرہے ہیں، عوامی نماٸندوں کیلیے چونکہ شہر کی سڑکوں پہ نکلنا وی آٸی پیز کیلیے دشواریاں پیدا کرسکتی ہیں اور اس سے ملکی اور غیر ملکی تاجروں کے کاروبار اور سی پیک ماثر ہوسکتے ہیں، اس لیے مقامی آل پارٹیز نماٸندے، انجمن دکانداران (جسے مقامی لوگ انجمن تاجران کہتے ہیں) سب جیل بھرو تحریک کا حصہ بنے ہوٸے ہیں اور اس وقت اپنی بے بسی لیٸے اور  وٶٹ کی طاقت کا سوال لیے جیل خانے میں بے گناہ اسیرن بنے ہوٸے ہیں

آل پارٹیز کا پولیس اسیشن خود ساختہ گرفتاری

اگر بجلی اس شہر کا ایک بہانہ نہیں تو بس ایک وجہ ہے ان تمام وجوہات کا جنھوں نے نماٸندوں کو مجبور کیا ہے کہ وہ یہ ثابت کراٸیں کہ وہ عوامی نماٸندے ہیں اگر انکے ووٹرز کیلیے سمندر جانا اور اپنا رزق تلاش کرنا ممنوعہ ہے، پانی، تعلیم، صحت اور ہر بنیادی ضرورت زندگی انکی پہنچ سے دور رکھا جاۓ تو کیا وہ اس سی پیک شہر سے ناکام نماٸندے بن کر ایک کھیل تماشہ والی سسٹم میں بس تالٕیاں بجاتے رہیں؟


جس طرح آج اس دھرتی سے جڑا ہر میٹنگ سے انھیں دور رکھا جاتا ہے، کسی اور شہر سے آکر لوگ یہاں کے فیصلے کرتے ہیں، تو کیا کل وہی لوگ یہاں کی نماٸندگی بھی کرینگے؟


اصل میں یہ جیل بھرو تحریک ایک لمبی خاموشی، بے بسی اور ذہنی اذیت کا پرامن ترین نتیجہ ہے جو شدت میں ہوتے ہوۓ بھی پرامن ہے اسے وٶٹ کی تقدس اور جموریت کی کتاب سے پڑھ کر سمجھنے کی ضرورت ہے ورنہ یہ شہر مزید نفسیاتی مساٸل کے سبب لاعلاج بنتا جاۓ گا

By @javedGwadari