بلوچستانءَ کساس ہمک پارٹی وتءَ را قوم پرست گُشیت ءُ قوم پرستیگی ءِ دعوا ھم کن انت ءُ درو تپاک کن انت کہ ما "چاکرءِ اولاد انت ءُ گوارامءِ دلءِ بند انت" .
نوں اگہ درو چاکرءِ اولاداں ءُ دروستانی سیاسی گل اگہ جُتا انت اے آہانی جندے مسلہ انت پرچہ کہ اگہ چاکر گوں وتی نزیکیں سیاداں اگہ اختلاف داشت کنتءُ سی سالی جنگ کُت کنت گڑاں آئیءِ اولاداں ھم حق است انت. بلے آئیءِ اولاد اگاں پنچ سد سال رند آئیءَ گوں ستر باز مہر بہ دار انت، پہر بہ بند انت بلے آئیءَ پنچ سد سال پد یک پارٹیءِ بیرکے گورءَ بہ دے انت گڑاں اے گوں آئیءَ مہرے درشان زانگ بہ بیت یا سیاسی شعورءِ کمی؟
پروا نیست اے گپءَ من اِنت کہ چاکرءِ اولاد آئیءَ گوں انچو مہر کن انت کہ آئیءَ زندگ لیک انت ءُ وتی سیاسی پگرءَ گوں آئیءَ گوں وتی راجی کار ءُ راجکاریءَ نزیک کن انت ، آئیءَ وتی سیاسی کاروانءِ بہر من انت ءُ وتءَ آئیءِ کارونءِ راہگوز پمیشکہ آئیءَ وتی سیاسی بیرک گورءَ داتگ ئے چیا کہ آ بیرک ھم شرپ دار انت انچو کہ چاکر، گڑا شر انت کسے منءَ گُشت کنت کہ ھمے سیاسی پارٹیءِ سروک وت ھمے رنگءِ گُد امینچو روچءَ داں چاکرءِ اعظمءَ ھمے بیرک گورءَ کیچءِ بُن شہرءَ اوشتاتءَ، گورءَ کنت؟
سک مشکل انت ، گپ اے نہ انت کہ کئی پارٹی بیرک چنچو چوکانی سرءَ است انت بلے گپ اش انت لاتیں چیز، نام ءُ بامرد انچیں بنت کہ راجءِ بنت آہاں زور یکّیءِ کنگ راجءِ دل آزاری کنت، چوش بائد کس مہ کنت ءُ گیشتر یک کجام سیاسی گلّے وَ ھچبر مہ کنت
No comments:
Post a Comment